Иран «Эпштейн құрбандарын еске алу үшін» деген жазуы бар зымыран көрсетті
Иранның мемлекеттік Press TV телеарнасы «Эпштейн аралының құрбандарын еске алу үшін» деген жазуы бар зымыранның фотосын жариялады.
Телеарнаның мәліметінше, бұл оқтұмсық АҚШ пен Израиль позицияларына соққы беру үшін дайындалған. Зымырандағы жазу туралы ақпарат кейін әлеуметтік желілерде және ирандық медиаға жақын Telegram-арналарда кең тараған.
Эпштейн ісі туралы
Джеффри Эпштейн 2019 жылғы 6 шілдеде Нью-Йоркте құқық қорғау органдары тарапынан қамауға алынған. Прокуратура мәліметінше, 2002-2005 жылдары ол Манхэттендегі үйіне ондаған кәмелетке толмаған қыздарды шақырған. Олардың ең кішісі 14 жаста болған.
Эпштейннің таныстары қатарында АҚШ-та ғана емес, басқа да елдердің қазіргі және бұрынғы шенеуніктері, ірі кәсіпкерлер мен шоу-бизнес жұлдыздары болған. Ол 2019 жылғы тамызда түрмеде өлі күйінде табылғаннан кейін оған қатысты қылмыстық қудалау тоқтатылды.