Ирандағы шиеленіс Ресейдің мұнайдан түсетін кірісін арттыруы мүмкін – Reuters
Таяу Шығыстағы жағдайдың ушығуы Ресей экономикасына, әсіресе мұнай секторына оң әсер етуі ықтимал.
Reuters дерегінше, сәуір айында Ресейдің пайдалы қазбаларды өндіруге салынатын салықтан түсетін табысы екі есеге өсіп, 700 млрд рубльге (шамамен 9 млрд доллар) жетуі мүмкін. Бұл өткен жылдың осы кезеңімен салыстырғанда шамамен 10%-ға жоғары.
Наурыз айында «Urals oil» маркалы мұнайдың орташа бағасы барреліне 77 доллар деңгейіне дейін көтерілген. Бұл ақпанмен салыстырғанда 73%-ға артық және Ресей бюджетінде жоспарланған 59 долларлық көрсеткіштен едәуір жоғары.
Сарапшылардың айтуынша, бағаның өсуі геосаяси тәуекелдер мен жеткізу тізбегіндегі қысымға байланысты болуы мүмкін.