Израиль әуе шабуылынан Газа секторында 5 журналист қаза тапты
Газа секторының оңтүстігіндегі Хан-Юнис қаласында орналасқан Насер ауруханасы маңына Израиль әскері әуе соққысын жасап, кемінде 20 адам мерт болды.
Құрбандардың арасында медицина қызметкерлері мен журналистер бар.
Куәгерлердің айтуынша, ЦАХАЛ аурухана маңына екі рет соққы жасаған: алғашқы жарылыс таңғы сағат 10 шамасында тіркелсе, араға 10 минут салып, дәл сол жерде тағы бір шабуыл болған.
Қаза тапқан журналистердің арасында халықаралық ақпарат агенттіктерінің өкілдері бар. Олар:
Хусам әл-Масри — Reuters агенттігінің операторы;
Марьям Дагга — Associated Press-тің штаттан тыс тілшісі;
Мұхаммед Салама — Al Jazeera мен Middle East Eye журналисі;
Ахмад Абу Азиз — Middle East Eye тілшісі;
Муатх Абу Таха — фотограф.