Қасым-Жомарт Тоқаев жас қаламгерлерге арналған әдеби сыйлықты табыстады
Тоқаев 2025 жылға арналған жас жазушылар мен ақындарға берілетін арнайы президент әдеби сыйлығын тағайындау туралы жарлыққа қол қойды.
Бұл туралы Ақорда баспасөз қызметі хабарлады.
Мемлекет басшысының жарлығына сәйкес, әдебиет саласында шығармашылық ізденісімен көзге түскен бірқатар жас қаламгер марапатталды. Президент сыйлығы келесі номинациялар бойынша табысталды:
Проза номинациясы бойынша – Әлменбет Арман Ерланұлы, «Тергеуші» атты шығармасы үшін;
Поэзия номинациясы бойынша – Исжанов Саян Кенжегалиевич, «Құмдағы хикая» атты өлеңдер жинағы үшін;
Драматургия номинациясы бойынша – Мустафиев Бауыржан Ширмединұлы, «Ақ киіз» драмалық туындысы үшін;
Балалар әдебиеті номинациясы бойынша – Тілегенов Асылан Біржанұлы, «Жазда атамның ауылында…» атты өлеңдер жинағы үшін.
Аталған сыйлық жас әдебиет өкілдерін қолдауға, жаңа шығармалардың дүниеге келуіне және қазақстандық әдебиеттің дамуына серпін беруді көздейді.