Қазақстанда жаңа туған нәрестелерді 500 000 теңгеге сатқан
ҚР Қылмыспен күрес департаментінің адам саудасына қарсы басқармасының орынбасары Шынар Көшербаева Қазақстанда жаңа туған нәрестелерді саудалау фактілерін жария етті.
Астанада өткен дөңгелек үстел барысында Шынар Көшербаева жаңа туған балаларды асырап алу мақсатында саудалағаны үшін ҚР ҚК 135-бабы бойынша жауапкершілік қарастырылатынын еске салды.
«Схема мынадай: бір жағында бала асырап алғысы келетін ата-аналар, екінші жағында өз баласын тастағысы келетіндер. Ортасында делдалдар тұрады, олар екі тарапты іздеп тауып, жеке мақсаттары үшін ақша табады. Бағасы – 500 мыңнан 1,5 миллион теңгеге дейін. Мұндай фактілер тіркелген», - деді спикер.