Жоламан Биғабыл Азия ойындарының чемпионы атанды
Қазақстандық каратэші Жоламан Биғабыл Жапонияда өтіп жатқан Азия ойындарында алтын медаль жеңіп алды.
Ерлер арасындағы кумитэ бәсекесінде 55 келіге дейінгі салмақ дәрежесінде сынға түскен қазақстандық спортшы финалда Өзбекстан өкілі Хумоюнмирзо Халимовпен кездесті.
Шешуші жекпе-жекте Жоламан Биғабыл қарсыласын 9:1 есебімен айқын жеңіп, Азия ойындарының чемпионы атанды.
Айта кетейік, ХХ жазғы Азия ойындары Жапонияның Айти префектурасы мен Нагоя қаласында 19 қыркүйек пен 4 қазан аралығында өтеді. Каратэ бағдарламасында ерлер арасындағы 55 келіге дейінгі кумитэ жарысы бар.