Қазақстандықтар ақшасын теңгемен сақтауға көшті
Соңғы он жылда қазақстандықтардың ұлттық валютадағы депозиттері 13 есеге артты. Ал шетел валютасындағы салымдар, керісінше, азайған.
Бұл туралы Ranking.kz мәлімет таратты.
Есепті кезеңнің қорытындысы бойынша халық депозиттерінің 82%-ы теңгемен сақталған. Бұл көрсеткіш рекордтық деңгейге жетіп, азаматтардың ұлттық валютаға деген сенімінің артқанын көрсетеді.
Халық жинағының ең көп бөлігі Алматы қаласында шоғырланған. Қала үлесіне елдегі барлық депозиттердің 39%-ы тиесілі.
Екінші орында Астана тұр. Мұнда салым көлемі 25,4%-ға өскен. Үздік үштікті 19,4% өсім көрсеткен Қарағанды облысы түйіндеді.