Қостанай Ресейге сатыла ма? - вице-министр жауап берді
Қостанай тұрғындары қалаға қатысты кейбір тұлғалардың "Ресейдің бір бөлігі" деген пікірлеріне алаңдаушылық білдірген.
Бұл мәселеге байланысты ҚР Ішкі істер министрінің орынбасары Игорь Лепеха жауап берді. Оның айтуынша, мұндай мәлімдемелер — ұлтаралық араздықты қоздыруға бағытталған әрекеттер.
— Қостанай — Қазақстанның ажырамас бөлігі. Ол әрқашан еліміздің құрамында болды және қала береді. Қоғам бұндай әрекеттерге бірыңғай, нақты ұстаным танытуы қажет. Арандатушылыққа жол беруге болмайды, - деді Лепеха.
Сондай-ақ, ол бұл мәселеде құқық бұзушыны көріп тұрып үндемегендер де жауапкершілікке тартылуы мүмкін екенін ескертті.
— Қостанайды ешкімге бермейді — бұл нақты әрі анық, - деп түйіндеді вице-министр.