Павлодарда бағдаршамнан өтіп бара жатып акробатикалық трюк жасаған қыз жауапкершілікке тартылды
Павлодарда бойжеткен жаяу жүргіншілер өткелінен өтіп бара жатып, акробатикалық трюк жасаған.
Оның осы әрекетінен кейін оған қатысты әкімшілік іс қозғалған. Полиция бұл жағдайды қоғамдық тәртіпті бұзу деп бағалаған.
Сотта қыз өз кінәсін мойындап, өкінетінін айтқан. Сондай-ақ оның әрекетінен ешкім зардап шекпегені және бұған дейін жауапқа тартылмағаны ескерілді.
Нәтижесінде сот оған тек ауызша ескерту жасап, әкімшілік жауапкершіліктен босатты.