"Самұрық-Қазына" мен ҚТЖ басшылары ісі: пәтер терезесінен доллар салынған чемоданды кім лақтырғаны айтылды
"Самұрық-Қазына" қоры мен "Қазақстан темір жолы" басшыларына қатысты тергеу аясында доллар толтырылған чемоданды кімнің лақтырғаны айтылды.
Журналист Михаил Козачков дереккөзге сілтеме жасап, күдіктілердің бірінің әйелі құқық қорғау органдарының қызметкерлері пәтер есігін қаққанда, балконнан ақша салынған чемоданды лақтырып жіберген болуы мүмкін екені хабарланды.
Сондай-ақ пара сомасы 6 миллион доллар болуы мүмкін деген ақпарат тарады. Алайда бұл сома әзірге ресми түрде расталған жоқ.
Еске салайық, 11 қарашада Ұлттық қауіпсіздік комитетінің қызметкерлері "Самұрық-Қазына" қорының басшысы Нұрлан Жақыповты, "Қазақстан темір жолы" компаниясының төрағасы Елжас Орыншиевті және тағы бірнеше адамды ұстаған. Олар сыбайлас жемқорлыққа күдікке ілінген.