Сирияда Асада режимінің құлағанына бір жыл толды
Сирияда 8 желтоқсанда Башар Асад режимінен құтылған алғашқы жылдық тойланды. Ахмед аш-Шараа Дамаск қаласындағы Омейяд мешітінде арнайы дұға жасап, кейін әскер парадына қатысқан.
Парадты Қорғаныс министрлігі ұйымдастырған.Президент халыққа жасаған үндеуінде «Сирияны солтүстіктен оңтүстікке, шығыстан батысқа дейін қайта құруға» уәде берді. Дегенмен, Орталық үкімет кей аймақтарда әлі де толық бақылау орната алмай отыр, кейбір қауымдастықтар Дамаскпен бірлікті көрсетуден қашқақтайды.
БҰҰ сарапшылары өтпелі үкіметке этноконфессиялық қақтығыстардың алдын алуды, кек алу циклдерін тоқтатып, барлық азаматтар үшін адам құқығын, теңдік пен заң үстемдігін қамтамасыз етуді талап етті.