Сорбұлақ көлінен жоғалған тікұшақтағы бір экипаж мүшесінің денесі табылды
Алматы облысында құтқарушылар жоғалған EC-145 әскери тікұшағының бөлшектері мен бортта болған бір адамның денесін тапты.
Қорғаныс министрлігінің хабарлауынша, табылған заттар шамамен 14 метр тереңдіктен шығарылған.
Ведомство өкілдері марқұмды анықтау жұмыстары жүріп жатқанын мәлімдеді. Сондай-ақ, іздестіруді жүргізіп жатқан сүңгуірлерге лай шөгінділері кедергі келтіріп отыр.
Еске салайық, тікұшақ 25 шілде күні Жамбыл облысында радардан жоғалған еді. Іздеу аумағы спутниктік деректер арқылы анықталып, арнайы топтар мен техника жіберілген. Келесі күні Сорбұлак көлінің ёбетінен май дағы мен әуе көлігінің кейбір сынықтары табылған.