«Тобыл» Финляндия чемпионатының қола жүлдегерін жеңді
Қостанайлық «Тобыл» Конференция лигасының алғашқы іріктеу кезеңінде Финляндияның «Хонка» командасымен кездесті.
Қостанайда өткен алғашқы ойында жергілікті команда 2:1 есебімен жеңіске жетті.
Алаң иелері матчты белсенді бастағанымен, есепті қонақтар ашты. 39-минутта Лукас Кауфманн гол соқты.
Ал екінші таймда қостанайлықтар мүлде басқаша ойын көрсетті. Тынбай шабуылдап, жеңісті жұлып алды. 62-минутта Милян Вукадинович таразы басын теңестірсе, 75-минутта дубль жасады.
Қос команда арасындағы қарымта матч 20 шілдеде Финляндияда өтеді.
Конференция лигасы. Бірінші іріктеу кезеңі. Алғашқы матч
«Тобыл» (Қостанай) - «Хонка» (Финляндия) 2:1 (0:1)
Голдар: Кауфманн 39, Вукадинович 62, 75
13 шілде. Қостанай. Орталық стадион.