Тоқаев Қорғаныс министрлігінің үш жоғары лауазымды әскери басшысын қызметтен босатты
Президент Қасым-Жомарт Тоқаев Қорғаныс министрлігі жүйесіндегі үш жоғары лауазымды тұлғаға қатысты кадрлық шешім қабылдады.
Тиісті өкімдер 3 қазанда жарияланды.
Мемлекет басшысының өкімімен:
Қаныш Әбубәкіров – Қорғаныс министрінің бірінші орынбасары – Қарулы күштер Бас штабының бастығы қызметінен;
Алмаз Жұмаеев – Қорғаныс министрінің орынбасары қызметінен;
Қанат Ниязбеков – Қазақстан Қарулы күштері Әскери-теңіз күштерінің бас қолбасшысы қызметінен босатылды.
Айта кетейік, бұған дейін, 24 қыркүйекте Каспий теңізіндегі әскери оқу-жаттығу кезінде 14 әскери қызметші қаза тапқан болатын. Оқиғаға байланысты қылмыстық іс қозғалып, тергеу барысында оқу-жаттығуды ұйымдастыру, қауіпсіздік талаптарының сақталуы және жауапты лауазымды тұлғалардың әрекеті зерттеліп жатыр.