Трамп Иранды «жер бетінен жоямыз» деп қоқан-лоқы көрсетті
АҚШ-тың президенті Дональд Трамп Иран билігі өзін өлтіруге әрекет жасаса, елге жойқын соққы берілетінін мәлімдеді.
«Не болса да, бүкіл елге соққы жасалады. Мен оларға өте қатты соққы берер едім», - деді Трамп NewsNation арнасына берген сұхбатында.
Оның айтуынша, шабуылдар Иранның барлық аумағын қамтуы мүмкін.
Сонымен қатар Трамп экс-президент Джо Байденді сынға алып, оның президенттігі кезінде Иран тарапынан төнген қауіптерге жеткілікті деңгейде қатаң жауап бермегенін айтты.