Түркістан облысында толассыз жаңбырдан кейін көшелерді су басты
Түркістан облысы аумағындағы Кентау қаласында толассыз жауған жаңбыр салдарынан бірқатар көшелерді су басқан.
Жергілікті деректерге сәйкес, кей аумақтарда жауын суының деңгейі 10-25 см-ге дейін көтерілген. Көлік қозғалысы мен жаяу жүргіншілердің жүруі уақытша қиындаған.
Қазір оқиға орнында төтенше жағдай қызметінің мамандары жұмыс істеп жатыр. Су басқан аумақтарда суды сорғылау және тазарту жұмыстары жүргізіліп жатыр.
Зардап шеккендер туралы ақпарат әзірге хабарланған жоқ.