ТЖМ аппарат басшысы тағайындалды

Марғұлан Аманбаев 1973 жылы Ұлытау облысы Жаңаарқа ауданы Дружба ауылында дүниеге келген. Жезқазған тау-кен технологиялық институтын және ҚР ТЖМ Көкшетау техникалық институтын тәмамдаған.

Еңбек жолында:

- 2000–2006 жылдары – Астана қаласы Мемлекеттік өртке қарсы қызметінің №8 өрт сөндіру бөлімінде инспектор, аға инженер, бөлім бастығының орынбасары, бөлім бастығы;

- 2005–2006 жылдары – Астана қаласы Сарыарқа ауданы бойынша төтенше жағдайлар саласындағы мемлекеттік бақылау және қадағалау бөлімінің бас маманы;

- 2006–2008 жылдары – Астана қаласы Сарыарқа ауданы өртке қарсы қызмет басқармасының бастығы;

- 2008–2012 жылдары – Астана қаласы ТЖД Сарыарқа ауданы төтенше жағдайлар басқармасының бастығы;

- 2012–2015 жылдары – Астана қаласы ТЖД Алматы ауданы төтенше жағдайлар басқармасының бастығы;

- 2015–2016 жылдары – Астана қаласы ТЖД «Өрт сөндіру және авариялық-құтқару жұмыстары қызметі» мемлекеттік мекемесінің бастығы;

- 2016–2020 жылдары – Нұр-Сұлтан қаласы ТЖД бастығының орынбасары;

- 2020–2023 жылдары – Ақтөбе облысы ТЖД бастығы;

- 2023–2024 жылдары – ҚР ТЖМ Өртке қарсы қызмет комитеті төрағасының орынбасары қызметтерін атқарған.

2024 жылдың қыркүйегінен бері Қарағанды облысы Төтенше жағдайлар департаментінің бастығы қызметін атқарып келді.