Валентина Хальзова Азия чемпионатын қола медальмен аяқтады
Қазақстандық Валентина Хальзова Ұлан-Баторда өткен бокстан Азия чемпионатының қола жүлдегері атанды.
«Шешуші үш минуттық раундта төрешілер жеңісті Цзыиге берді, нәтижесінде ол төрешілердің айрықша шешімімен басым түсті (қазақстандық боксшыдан ереже бұзғаны үшін ұпай шегерілді). Хальзова Азия чемпионатын қола жүлдемен аяқтады», - делінген хабарламада.
75 келіге дейінгі салмақ дәрежесіндегі жартылай финалда Хальзова Қытай өкілі Бао Цзыимен кездескен. Қазақстандық спортшы бірінші раундта 4:1 есебімен жеңіске жетіп, екінші кезеңді де өз пайдасына аяқтаған болатын.
Айта кетейік, 70 келіге дейінгі салмақ дәрежесінде Бақыт Сейдіш финалға шықты.