Жазылу
11:38, 02 Қараша 2023
Пхеньян кейінгі үш айда Ресейге 1 миллионнан астам снаряд тасымалдады
Мұны Оңтүстік Корея барлау қызметіне сүйенген сол елдің парламент депутаты Ю Сан Бом хабарлады. Айтуынша, барлау қызметі Солтүстік Кореядан Ресейге жіберілген 10-нан астам снаряд тасымалын тіркеді. Оларды жеткізуге ұшақтар мен кемелер қолданылған.
Барлау қызметінің дерегінше, снарядтар теміржолмен Украинаның оккупацияланған аудандарына жеткізіліп, майданда қолданылған. Оңтүстік Кореяның барлау қызметі Ресей снаряд орнына Пхеньянға спутникке арналған технология берген болуы мүмкін деп тұжырымдайды.
Сеул әзірге депутаттың мәлімдемесіне түсініктеме берген жоқ.
