Бұл оқиғаның саясатқа еш қатысы жоқ - Айдарбек Қожаназаров

Respublica партиясының төрағасы әрі Мәжіліс депутаты Айдарбек Қожаназаров Шымкент қаласы әкімінің орынбасары Руслан Берденовке жасалған шабуылға қатысты пікір білдірді.

«Ондай оқ атылған шабуылдан тірі қалу — үлкен сәттілік. Реабилитацияға біраз уақыт қажет болады. Біз бәріміз қатты уайымдадық», — деді депутат.

Шабуылдың саяси астары бар ма деген сұраққа Қожаназаров: «Меніңше, бұл оқиғаның саясатқа еш қатысы жоқ. Бұл — жеке мәселе. Қандай да бір нұсқаға сенбеймін. Бұл — тұрмыстық сипаттағы қылмыс деп ойлаймын», - деп жауап берді.