Бұрын істі болған Мұсайбеков жаңа лауазымға тағайындалды

«ҰОК-тың Бас ассамблеясының қорытындысы бойынша жаңартылған атқарушы комитеттің құрамы бекітілді: вице-президенттер: Серік Жарасбаев – өңірлермен жұмыс жөніндегі вице-президент, ҚР туризм және спорт вице-министрі; Шахмурат Мұталип – халықаралық ынтымақтастық жөніндегі вице-президент, Қазақстан бокс федерациясының президенті; Данияр Әбілғазин – жазғы олимпиадалық спорт түрлері бойынша вице-президент, Үстел теннисі федерациясының президенті; Сәкен Мұсайбеков – қысқы олимпиадалық спорт түрлері бойынша вице-президент, шайбалы хоккей федерациясының бас директоры; Гаджи Гаджиев – жалпы мәселелер жөніндегі вице-президент, Ауыр атлетика федерациясының президенті», – делінген ҰОК хабарламасында.

Еске салайық, 2021 жылғы 22 ақпанда бұрынғы мәдениет және спорт вице-министрі Сәкен Мұсайбеков ұсталған. Ол кезде шенеунік Алматыда тергеу амалдарына қатысып жатқан. 26 ақпанда оның ұсталғаны ресми түрде расталды. Мұсайбековке $15 мың көлемінде пара алған деген күдік тағылды. Бұл сома мемлекеттік-жекеменшік әріптестік аясында «Бәс тігу орталығы» жобасына қатысты келісімшартқа қол қою мәселесін шешу үшін берілгені анықталған. 2021 жылғы тамызда сот Мұсайбековтің қызмет бабын пайдалана отырып алаяқтық жасағанын дәлелдеп, оған 62 млн теңге көлемінде айыппұл салу туралы үкім шығарды.

Мұсайбеков 2020 жылғы мамырда мәдениет және спорт вице-министрі болып тағайындалған. Бұған дейін, 2019 жылғы қаңтардан бастап Ұлттық Олимпиада комитетінің бас хатшысы, ал 2015 жылғы ақпаннан 2019 жылғы қаңтарға дейін сол ведомствода вице-министр қызметін атқарған.