Солтүстік Корея Оңтүстік Кореяға апаратын жолдарды жарып жіберді

«Солтүстік Корея түске таман әскери демаркация сызығының солтүстігіндегі Кёнги және Донхэ жолдарының бөліктерін жарып жіберді», - делінген Корея Республикасының Біріккен штаб бастықтарының мәлімдемесінде. 

Әскерилер не болып жатқанын қадағалап, бақылауды күшейткендерін айтты.

Оңтүстік Корея билігі бір күн бұрын КХДР жолдарды жаруға дайындалып жатқанын хабарлаған.

Пхеньян бұған дейін оңтүстікке апаратын барлық жолдар мен темір жолдарды жауып тастауға ниетті екенін мәлімдеген.

Сондай-ақ, Солтүстік Корея билігі екі Кореяны бөліп тұрған қарусыздандырылған аймақ маңында танкке қарсы тосқауылдар салу және шекараны нығайту үшін жол шамдарын бұзып, олардың бойына миналар қойғаны, сондай-ақ әскерлерді орналастырғаны хабарланды.