Жазылу
16:05, 13 Қыркүйек 2024
Алматыда 44 жастағы сержант өз-өзіне қол жұмсады
Алматының Түрксіб ауданындағы Құрлық әскерлері Әскери институтының аумағынан 44 жастағы сержанттың мәйіті табылды. Ер адам өз-өзіне қол жұмсаған.
Аталған фактіні ҚР Ішкі істер министрлігі растады.
«Оңтүстік өңірлік әскери-тергеу басқармасы осы факті бойынша ҚР Қылмыстық кодексінің 105-бабының 1-бөлігі (Өзін-өзі өлтіруге итермелеу) бойынша сотқа дейінгі тергеу амалдарын жүргізіп жатыр», - делінген хабарламада.
Ішкі істер министрлігі ҚР Қылмыстық-процестік кодексінің 201-бабына сәйкес өзге мәліметтер жария етуге жатпайтынын атап өтті.
Бұған дейін ZTB Telegram арнасы Алматыда 44 жастағы сержанттың өз-өзіне қол жұмсағанын хабарлаған болатын.
