Жазылу
45 градусқа дейін аяз болады: Синоптиктер қазақстандықтарға ескерту жасады
Қазгидромет 19 ақпанға Қазақстанда дауылды ескерту жариялады. Синоптиктер ел аумағында қатты аяз болып, жел соғады деп болжап отыр. Төтенше жағдайлар министрлігі ауа райының қолайсыздығына байланысты азаматтарды қауіпсіздік шараларын сақтауды сұрап үндеу жолдады.
Шығыс Қазақстан облысының солтүстігі мен шығысында -45°С-қа дейін өте қатты аяз болып, қар жауады. Жел 15-18 м/с күшейеді.
Қарағанды облысының оңтүстігі мен шығысында 15-20 м/с жылдамдықпен жел соғады. Түнде облыстың солтүстігі мен шығысында -35-39°С қатты аяз сақталады.
Қызылорда облысында екпіні 23 м/с болатын жел болады. Қызылордада жел 15-20 м/с күшейеді.
Ұлытау облысының батысы мен солтүстігінде жел 15-20 м/с күшейеді.
Оңтүстікте, Түркістан облысының таулы және тау бөктеріндегі аудандарында тұман болады. Таулы аймақтарда қар жауады. Жел 23-28 м/с күшейеді. Шымкентте түнде және таңертең тұман болады. Түркістанда жел 15-20 м/с күшейеді.
Күндіз Абай облысының орталығында, оңтүстік-батыста, шығыста бұрқасын болады. Жел 15-20 м/с күшейеді.
Жамбыл облысының оңтүстігінде, батысында, таулы аймақтарында бұрқасын болады. Оңтүстікте, облыстың таулы аймақтарында тұман түседі. Жел 23-28 м/с күшейеді. Таразда түнде және таңертең тұман түседі.
18 ақпан 21:00-ден 19 ақпан 21:00 дейін Өскемен, Риддер қалаларында қолайсыз ауа райына байланысты екінші дәрежелі ауа райының төмен деңгейі туралы ескерту сақталады.
э
