Ақтауда 4 балдық жер сілкінісі: сейсмологтар ақпаратты растады

Жергілікті тұрғындар жер дүмпуінің шынымен орын алғанын растады, деп жазды Zhasalash.kz.

Қазақстан төтенше жағдай министрлігіне қарасты сейсмология тәжірибелік-әдістемелік станцияның дерегінше, 7 желтоқсанда Астана уақытымен сағат 10:15-те 5,7 магнитудалы жер сілкінісі болған. Эпицентр ошағы – Алматының солтүстік-батысынан 2289 шақырым жерде Каспийдің Әзербайжанға жақын аумағы.

Белгілі болғандай, дүмпу шкаласы үш-төрт балды құраған.  Зардап шеккендер мен қираған үйлер жөнінде әзірге нақты мәлімет жоқ.