Ақтөбеде кепілге алынған екі адам қаза тапты

Белгілі мәліметтер бойынша, бір жәбірленуші ауруханаға бара жатқан жолда, екіншісі операция үстелінде көз жұмды. Үшінші жәбірленушінің жағдайы тұрақты ауыр. Оның басы мен қолында жарақат іздері бар. Оған барлық қажетті көмек көрсетіледі.

Еске салайық, 14 қаңтарға қараған түні Ақтөбеде белгісіз біреу қызды кепілге алған болатын. Оқиға орнына полиция, қала прокуроры және төтенше жағдайлар қызметі келді. Кейін полиция кепілде бар болғаны үш адам - ​​қыз бен оның ата-анасы болғанын хабарлады. Полиция кепілге алынғандарды босату операциясының сәтті өткенін қосты. Күдікті қамауға алынды.