Әл-Азхар университеті мешіттерді спиртпен залалсыздандыруға рұқсат берді

Бұл туралы Азаттықтың Өзбек қызметі жазды.

Пәтуаға сәйкес, коронавирустан қайтыс болған адамға "азап шеккен" деген мәртебе беріледі. Бұған қоса, адамдарды мас қылмайтын спирт қолдануға рұқсат етілген және спиртпен мешітті залалсыздандыруға болады деп жазылған.

Пәтуа бойынша егер дәрігерлер ораза ұстау коронавирус жұқтыру мүмкіндігін арттырады деп айтса және бұл ғылыми тұрғыда дәлелденсе, ораза ұстамауға да рұқсат.

Бұған дейін Өзбекстанның мұсылмандар діни басқармасы ораза кезінде ауызашар жасап, мешіттерде тарауық оқуға тыйым салған болатын. Басқарма азаматтарды оған кететін қаржыны материалдық көмекке мұқтаж отбасыларға үлестіруге кеңес берген.

Қазақстан мен Қырғызстанда да осыған ұқсас тыйым салынған. 24 сәуірге қараған түні мұсылмандар үшін қасиетті ай саналатын Рамазан айы басталады.