Алексей Луценко - Азия ойындарының үш дүркін чемпионы

Қытайда өтіп жатқан Азия ойындарында велоспорттан жекелей сын аяқталды. Бұл сында қазақстандық Алексей Луценко топ жарды. 

Ол 39,6 шақырым қашықтықты 48.05.57 уақыт көрсеткішінде жүріп өтіп, Азиаданың алтын медалін жеңіп алды.

Осылайша, Алексей Луценко Азия ойындарында Қазақстан қоржынына бесінші алтын жүлдені салды.

Айта кетейік, Луценко бұған дейін 2014 жылы Инчхонда және 2018 жылы Джакартада бұл жарыста жеңіске жеткен болатын.