Жазылу
Алматылық студенттер жаңа көлік моделін жасап шығарды
Алматы қаласында орналасқан Сүлеймен Демирел атындағы университет студенттері жаңа көлік жобасымен айналысып, жуырда «N1 Racing SDU» командасы жаңа өнертабысын елге паш етті.
Көліктің жобасы 6 айда әзірленіп, 3 айда құрастырылған.Жалпы, өнертабысты жарыққа шығаруға 9 ай кеткен. «Кабирхан» деп аталатын жаңа көлік сағатына 80 шақырым жылдамдықпен жүре алады. Сонымен қатар, қауіпті жағдайларда моторды өшіру мүмкіндігіне ие.
Өткен жылы университет студенттері «Формула Студент» жобасына қатысқан болатын. Олар аталған жобаға Орта Азия елдерінен қатысқан алғашқы студенттік топ.
Нәтижесінде, олар алғашқы электромобиль грантын ұтып алып, оны президент Қасым-Жомарт Тоқаев жоғары бағалаған. Ал, соңғы жоба алдыңғысына қарағанда әлдеқайда қуатты. Күрделі технологиямен жабдықталып, қауіпсіздік құрылғылары жақсартылған.
Айта кетейік, бұған дейін мемлекет басшысы Қасым-Жомарт Тоқаев елімізде ғылымның дамуына мемлекет тарапынан барлық жағдай жасалып отырғанын баса айтқан.
Президент өз сөзінде еліміздегі өнеркәсіп үшін мамандар дайындаудың аса маңызды екенін айтқан болатын.Осы негізде ғылым және жоғары білім министрлігіне инженерлік-техникалық кадрларды дайындаудың ұлттық үлгісін дайындауды тапсырды.
Жалпы, ғылымның дамуында жоғары білім маңызды рөл атқарады. Барлық дамыған елдерде ғылым, ең алдымен, жоғары оқу орындарында дамып, орасан табыс әкелетінін еске салған жөн. Жоғары білім ғылымы бүкіл білім беру жүйесін дамытудың қуатты инновациялық ресурсы ретінде қарастырылады.
Университеттердің дәстүрлі рөлі – білім беру және экономиканың қажеттіліктерін қанағаттандыру үшін мамандарды даярлау түрінде қоғамға білім беру – барған сайын анық жеткіліксіз болып келеді. Заманауи университет іргелі білімнің және іс жүзінде мақсатты инновацияның дамуына тікелей әсер ете алады және көрсетуі керек. Сондықтан бүгінгі таңда іргелі ғылым мен университеттік білімді дамыту және қолдау бірінші кезектегі міндеттер болып табылады.
Бұл жобалар да ең алдымен білім мен ғылымдағы үздік жетістіктерді біріктіруге бағытталған
Студенттердің ғылыми-зерттеу іс-әрекеті мен ғылыми-техникалық шығармашылығын дамыту білім беруді жаңғыртудың құрамдас бөлігі болып табылады. Олардың өнертапқыштық және рационализаторлық қызметке қатысты мәселелерді шешуге белсенді қатысуы аса маңыздыболып саналады.
