Жазылу
17:33, 19 Қараша 2018
Алматы клубы Жолбарысқа айналды
«Алматы» хоккей клубы жаңа маусымнан бастап «Жолбарыс» деген атпен өнер көрсетеді.
Бұл жайлы «Алматы» ХК директоры Дидар САҒАДИЕВ айтты. — Егер сіз «Қайрат» деген атауды естісеңіз, бірден алматылық футбол жайлы ойлайсыз. Ал «Алматы» ХК жайлы сөз қозғалғанда, қаланың қонақжайлылығы ғана ойыңа оралады. Сондықтан біз келесі маусымнан бастап клубтың атын өзгертеміз деп шештік. «Жолбарыс» деген атау тегінен тегін қойылған жоқ. Фан-клубтың сұрауымен біз тұран жолбарысын сол күйі қалдырдық. Себебі, бұл клубтың бренді. Ойын жейделерін де ауыстырдық. Қазақстан хоккей федерациясы жейделерді ауыстыруға рұқсат бергені үшін алғысымыз шексіз. Құрлықтық хоккей лигасына өту ойымызда бар. Бірақ, бұл бір күнде істеле салатын шаруа емес. Алдымен Жоғарғы хоккей лигасына шығуға тырысамыз. Кейіннен ақырындап ҚХЛ-ға да қадам басармыз, — деді Сағадиев.
