Жобалар
Редакциямен байланыс
Жарнама
15:51, 07 Желтоқсан 2023

Астанада "Алға, Қазақстан" тіркелмеген партиясының мүшелері ұсталды

Құқық қорғаушы Айдар Сыздықов. Сурет #NotExtremists телеграм-арнасында жарияланды.
Құқық қорғаушы Айдар Сыздықов. Сурет #NotExtremists телеграм-арнасында жарияланды.

Астанада полиция қызметкерлері 6 желтоқсанда күні "Алға, Қазақстан" тіркелмеген партиясының ұйымдастыру комитетінің мүшелері Әсет Әбішев, Сергей Измайлов және құқық қорғаушы Айдар Сыздықовты ұстады, деп хабарлайды Zhasalash.kz.

Әлеуметтік желілерде сәрсенбі күні түнде ұсталғандар Байқоңыр аудандық полиция басқармасында деген ақпарат тарады. Сондай-ақ полиция ұстау кезінде дөрекі күш қолданғаны хабарланды.

Желідегі видеоларда Әсет Әбішевтің қолы кісендеулі күйлі тұрғаны, Айдар Сыздықовтың соққыға жығылып, күртешесінің жыртылғанын көруге болады.

"Олар мені ұрып-соқты" дейді видеода Сыздықов. Оның сөзінше, полицейлер телефонын да тартып алған. Оларды не үшін ұстағаны әзірге белгісіз. 

6 желтоқсанда "Алға, Қазақстан" тіркелмеген оппозициялық партиясының жетекшісі Марат Жыланбаевтың сотталуынк қарса белсенділер баспасөз мәслихатын өткізген. Оның ішінде Әсет Әбішев, Сергей Измайлов және адвокат Мейіржан Досқараевтар сот үкімінің бұрмаланғандығы жөнінде мәлімдеп, келіспейтіндерін айтқан. 

Еске саламыз, марафоншыға "тыйым салынған ұйымның ісіне араласу", "экстремистік ұйымды қаржыландыру" баптары бойынша айып тағылды. Іс бойынша сот отырысы жабық режимде өтті. Астананың қылмыстық істер жөніндегі соты "тыйым салынған ұйымның қызметіне қатысты" және "экстремизмді қаржыландырды" деп айыпталған "Алға, Қазақстан" тіркелмеген партиясының жетекшісі, белсенді Марат Жыланбаевты 7 жылға бас бостандығынан айырды.