Астанада киберспорттан ірі турнир өтеді

Елордада 29 қазан күні киберспорттан ең ірі республикалық турнир – «Beske Bes» фестивалі өтеді, деп хабарлайды Астана әкімдігінің ресми сайты.

Турнир аясында 30 миллион теңге көлемінде рекордтық жүлде қоры ойнатылады.

Сондай-ақ, көрермендер арасында кездейсоқ түрде тәуелсіз сарапшылардың бақылауымен JAC js4 автокөлігі және басқа да бағалы сыйлықтар ойнатылады.

Турнирдің мақсаты халықаралық чемпионаттарға одан әрі ілгерілете отырып, киберспорт саласындағы перспективалы ойыншыларды анықтау болып саналады.

Ойыншылар Қазақстанның кез келген компьютерлік клубтарына тәуелсіз тіркеуге өтінім бере алады.

Клубтан өтінім берген жағдайда жеңімпаз команданы ұсынған компьютерлік клуб 2 млн теңге және бағалы сыйлықтар алады.

Жартылай финалистер мен финалистерге «Жекпе-Жек» стадионында финалдық ойындарға қатысу үшін Астанада ұшу және тұру ақысы төленеді.

Турнир төрт кезең бойынша өтеді:

9 және 15 қазан – бірінші кезең (қатысуға өтінім беру);
16 қазан – екінші кезең (онлайн скрининг кезеңі);
17 және 19 қазан – топтық кезең (онлайн); 20 және 21 қазан – Плей-офф. 1/8 және 1/4 кезеңдер; 27 және 29 қазан – соңғы күн. 1/2 Плей-офф, 3-орын матчы және Grand Final.