Ауа райының қолайсыздығына байланысты республикалық 25 трасса әлі ашылған жоқ

Бұл туралы "ҚазАвтоЖол" ұлттық компаниясындағылар мәлімдеді. 

Соңғы дерек бойынша Жетісу, Шығыс Қазақстан, Абай, Қарағанды, Қостанай және Павлодар облыстарында автожолдар жабық тұр. Арнайы 644 техника мен 1100 жолшы құбылмалы ауа-райы салдарын жоюда. Кей жерлерде қар жамылғысының қалыңдығы 50 см-ге дейін жетеді.

Ақмола облысында көлік қозғалысына енгізілген шектеу толығымен алынды.

Шығыс Қазақстан, Жетісу және Қарағанды облыстарындағы республикалық маңызы бар автожолдарында жағдай әлі де күрделі. Мысалы, тек ШҚО өзінде ауа райының қолайсыздығына байланысты республикалық трассалардың 15 учаскесі жабылды

— делінген мәліметте.