Азия ойындары: Қазақстан қоржынына 14-медаль түсті

Ханчжоу қаласында (Қытай) өтіп жатқан Азия ойындарында семсерлесуден Қазақстан ерлер құрамасы қола жүлдегер атанды.

Біздің құрама (Мұхамедәлі Рахманәлі, Саттархан Назарбай, Артем Саргсян және Жанат Нәбиев) жартылай финалда Оңтүстік Кореяға 45:41 есебімен есе жіберді.

Осылайша, Қазақстан ерлер құрамасы үшінші орын алды. Бұл Қазақстан құрамасының 11-қола медалі. Ел қоржынына қазірге дейін жалпы 14 жүлде түсті.

Айта кетейік, 2022 жылғы Азия ойындары Ханчжоу қаласында 23 қыркүйек пен 8 қазан аралығында өтеді.