Басынан тепкілеген: Шымкентте ер адамды көшеде соққыға жығып өлтірді

Шымкентте ер адамды көшеде ұрып өлтірді, деп хабарлайды Zhasalash.kz.

OTYRAR жазуынша, 26 қазан күні сағат 18:00 шамасында Тәуке хан даңғылы бойындағы GQ style ресто-барының жанында күдікті ер адамға шабуыл жасаған.

«Куәгерлердің айтуынша, белгісіз ер адам 54 жастағы тұрғынға көшеде шабуыл жасап, басынан аяусыз тепкілеген. Оқиға орнына жедел жәрдем келгенімен, ол уақытта жәбірленуші қайтыс болып кеткен болатын», - делінген хабарламада.

Қазіргі уақытта полицейлер кісі өлтіріп, оқиға орнынан қашып үлгерген күдіктіні іздестіріп жатыр.