«Батарея мұздай»: Степногорск халқы жылусыз отыр

Бүкіл тұрғын үй қорын жылумен қамтамасыз етуге қарамастан, кейбір үйлерде ішкі жүйелерде ақаулар орын алып, құбырлардың қатып қалуына әкелген.

Степногор қаласы әкімдігінің өкілі мәселенің бар екенін растап, қазірдің өзінде желілердегі ақауларды жою бойынша жөндеу жұмыстары жүргізіліп жатқанын айтты. Әлеуметтік желіде тараған мұздатылған кіреберістің суреттері, әсіресе, 2-шағын аудан, 40-ғимараттағы жағдайдың қаншалықты ауыр екенін растайды.

Десе де, тұрғындар әлеуметтік желілерде әлі күнге дейін барлық аудандарда тұрақты жылу берілмегенін айтып, наразылықтарын білдіруде. Оның ішінде тұрғын үйдің кіреберісінде мұз қалыңдап, шатырлар қатып, жауапты мамандарға хабарласу қиынға соғатыны жаппай айтылуда. 

Еске сала кетейік, соңғы тәулікте Степногорск қаласынан бөлек, Қазақстанның тағы бірнеше қаласында жылумен қамту жүйелерінде апаттар орын алған. Үкімет өкілдері азаматтарды жүйенің дұрыс жұмыс істеп тұрғанына сендірді, бірақ жылумен қамтудағы жергілікті ақаулар тұрғындарды қатты алаңдатып отыр.