Байден қылмыстық істер бойынша кінәлі деп танылған ұлына кешірім берді

«Хантердің фактілеріне қарайтын ешбір ақылға қонымды адам Хантер менің ұлым болғандықтан ғана ерекшеленді дегеннен басқа қорытындыға келе алмайды, бұл дұрыс емес», - деді президент Ақ үйдің веб-сайтында жексенбі күні кешке жарияланған мәлімдемеде. 

Джо Байденнің айтуынша, бұл шешім отбасы Алғыс айту күнін демалыс күндері бірге өткізгеннен кейін қабылданған. Президент өз шешімін былай деп түсіндірді: «Мен заң жүйесіне сенемін, бірақ дөрекі саясат бұл үдеріске зиянын тигізіп, әділетсіздікке әкелді деп ойлаймын».

Байден президент кезінде оның кіші ұлы республикашылдардың нысанасына айналды, деп хабарлайды Reuters.

Ақ үй басшысы «Америкалықтар президенттің неліктен мұндай шешім қабылдағанын түсінеді» деп үміттенеді.

Джо Байден ұлының құқықтық мәселелеріне байланысты жағдайға араласпайтынын бірнеше рет мәлімдеген. Қыркүйек айында Ақ үй америкалық көшбасшының ұлына кешірім жасау ниеті болмағанын  айтты, деп хабарлайды AFP.

Ақ үйдің қазіргі басшысының өкілеттігі 2025 жылдың 20 қаңтарында аяқталады, сол кезде оның орнына жаңадан сайланған Дональд Трамп келеді.

Хантер Байденге қарсы іс

54 жастағы Хантер Байденге қатысты тергеу 2018 жылдан бері жалғасып келеді. 2023 жылы ол салық төлеуден жалтару және заңсыз қару сақтау үшін кінәсін мойындауға келісті. Сотқа дейінгі келісім оған нақты жазадан құтылуға көмектесуі керек еді. 

Хантер Байденге 2023 жылдың желтоқсанында айып тағылады. Прокурор Дэвид Вайсс дайындаған айыптау қорытындысына сәйкес, кіші Байден 2016 жылдан 2019 жылға дейін кемінде 1,4 миллион доллар салық төлемеген. «Сотталушы салық төлеудің орнына миллиондаған долларды өзіне жұмсаған», - делінген құжатта.

Кіші Байден өткен маусымда заңсыз қару сақтағаны үшін сотталған. Делавэр штатының қазылар алқасы оның 2018 жылы револьвер сатып алған кезде есірткі пайдаланбағаны туралы өтірік айтқанын анықтады. Бұл жағдайда ол 25 жылға бас бостандығынан айырылып, 750 мың долларға дейін айыппұл төлеуі мүмкін.

Қыркүйек айында Хантер Байден барлық тоғыз айып бойынша өз кінәсін мойындады.