Данияр Елеусінов 5-ші жеңісінен кейін 47 боксшыны аттап өтті

Бұл жайлы Vesti.kz хабарлады.BoxRec-тің жаңартылған рейтингі бойынша Елеусінов 231-ші орыннан 184-ші орынға көтерілді. Отандасымыз никарагуалық Маркос Мохикомен (16-3-2, 12 КО) кездесіп, жекпе-жекті мерзімінен бұрын (3-раунда) аяқтады. Қарсыласын бірнеше мәрте нокаутқа жіберген соң, төреші боксты тоқтатуға мәжбүр болды. Кездесудің алғашқы секундынан-аө қазақстандықтың басымдығы айқын көрініп тұрды.Қазіргі уақытта BoxRec жартылай орта салмақ бойынша 1987; ал екінші жартылай жеңіл салмақ бойынша 1476 боксшының рейтингін ұсынады. Осы көрсеткіш бойынша жеңіліс тапқан Мохика қазір 463 орында тұр.Айта кету керек, «Казино де Монте-Карлода» өткен спорттық шоуда Даниярмен бірге тағы бір қазақстандық Заурбек Сұлтан (2-0, 1 КО) да рингке шығып, жеңіске жетті. Сұлтан өз дивизионында 787-ші орыннан 641 орынға көтерілді.27 жастағы Елеусінов әуесқой бокста Рио-2016 олимпиадасының чемпионы, ал, 22 жастағы Сұлтан 2016 жылғы жастар арасындағы әлем чемпионатында күміс жүлдегер атанған.