Ей, үкімет, мақтансаң, ойланып мақтан!

– Иә, тура солай, он жеті есеге өсті депті. Ал, есептейік: 1991 жылы Қазақстанның жалпы ішкі өнімі 24,92 миллиард долларды құраған. Қазір 169,8 миллиард доллар. 169,8-ді 24,92-ге бөлсек, 6,8 деген сан шығады. Сөйтсек, Қазақстанның жалпы ішкі өнімі 91-ші жылдан бері 6,8 есеге ғана өскен екен. Мамин 17 есе деп дүңк еткізді. Басқа емес, үкімет басшысының өзі солай қателесіп отыр. 5 пайызға қателессең бір жөн, бірақ 250 пайызға қателесуге болмайтын шығар? Экономиканы қалай басқарып отыр бұлар? Басқа елде мұндай үкімет сөзсіз отставкаға кетуге мәжбүр болар еді.

Сосын «жалпы ішкі өнім пәленеше есеге өсті» дегенде азық-түліктің бағасы қанша есеге қымбаттағанын да халықтың есіне салып қойыңыздар! 93-ші жылы бір бөлке нанның бағасы 53 тиын болған. 2021-де 115 теңге болды. Әне, нанның өзі 216 есеге қымбаттапты! Содан бері ет 367 есеге, ұн 455 есеге, сүт 253 есеге қымбаттапты. Ал орташа жалақы отыз жылда небәрі 25 есеге өскен! Сонымен, 30 жылда ЖІӨ 6,8 пайызға өсіпті. Бұл да жаман емес, негізі. Бірақ мұны инфляциялық және девальвациялық үрдістермен бірге қарастырсақ, қуанатындай түгіміз жоқ. Өйткені халықтың табысының өсуі отыз жылдан бері инфляцияға мүлдем сәйкес емес екені бірден байқалады. Соның салдарынан халық кедейленіп барады, – деген екен саясаттанушы Санжар Боқаев.