Екі облыста республикалық маңызы бар жолдарда қозғалыс шектелді

Мәліметке сәйкес, 2026 жылғы 10 ақпан сағат 17:00-ден бастап жүк және қоғамдық көліктердің қозғалысы тоқтатылды. Ақмола облысында шектеу «Қостанай – Әулиекөл – Сұрған» автожолының 232–260 шақырым аралығында, сондай-ақ «Жезқазған – Арқалық – Петропавл» бағытының 537–552 шақырымында және «Жақсы – Есіл – Бұзылық» автожолының 71–82 шақырымында енгізілді.

Қостанай облысында «Қостанай – Әулиекөл – Сұрған» жолының 8–232 шақырым аралығы, сондай-ақ «Қостанай – Рудный – Денисовка – Комсомольское – Қарабұтақ» автожолының 385–501 шақырым аралығында қозғалысқа шектеу қойылды.

Сонымен қатар, сол күні сағат 17:00-де ауа райының қолайсыздығына байланысты «Жезқазған – Арқалық – Петропавл» республикалық автожолының 340–377 шақырым аралығында, яғни Арқалық қаласынан Ақмола облысының шекарасына дейін барлық көлік түрлері үшін қозғалыс уақытша тоқтатылды.

«ҚазАвтоЖол» мәліметінше, жолдарды 2026 жылғы 11 ақпан сағат 09:00-де қайта ашу жоспарланып отыр. Жүргізушілерге жолға шығар алдында ауа райы мен жол жағдайын нақтылап алуға кеңес беріледі.