Жазылу
Ерболат Досаев қызметінен босатылды
Мемлекет басшысының Жарлығымен Ерболат Досаев Қазақстан Республикасы Президентінің Әкімшілігі Басшысының орынбасары лауазымынан босатылды.
Ол еңбек жолын Нұрсұлтан Назарбаев кезеңінде бастап, 1998 жылы премьер-министрдің кеңесшісі болды. Әр жылдары қаржы, денсаулық сақтау, экономика министрі, Ұлттық банк төрағасы, сондай-ақ премьер-министрдің орынбасары қызметтерін атқарған.
ОҚИ ОТЫРЫҢЫЗ: ФИНАНСИСТ ДОСАЕВ ПЕН ӘЙЕЛІНІҢ КӨРІНБЕЙТІН МИЛЛИАРДТАРЫ
Ол 2025 жылғы 19 қыркүйектен бастап Президент Әкімшілігі басшысының орынбасары қызметін атқарды.
ОҚИ ОТЫРЫҢЫЗ: ДОСАЕВ ТҰРҒЫНДАР ТӨСЕГЕН ЖОЛДЫ ӨЗ ЕСЕБІНЕ ЖАЗЫП ЖҮР
Еске салайық, 2025 жылдың 24 мамырында Ерболат Досаев Алматы әкімі қызметінен босатылған еді. Ол бұл қызметті 2022 жылдың 31 қаңтарынан бері атқарып келген. Бұған дейін Досаев Қазақстан Ұлттық банкінің төрағасы болған, ал одан бұрын денсаулық сақтау, экономикалық даму және бюджет салаларына жетекшілік еткен министрлік лауазымдарын атқарған.
Әкім кезінде Ерболат Досаев бірнеше рет қоғамдық назардың ортасында болды. Алматылықтар оның жұмысына көңілі толмайтындарын бірнеше рет мәлімдеді. Тіпті Досаевтың отставкасына байланысты петиция да жарияланды. Сондай сәттерде ол "мені мемлекет басшысы тағайындады, жұмысымды президент бағалайды" деп жауап берді.
