Жазылу
Ертіс орманында өрт өршіп тұр
«Ертіс орманы» қорық аумағындағы орманда өрт өршіп бара жатыр. Тілсіз жау Дала орманшылығының 19, 20, 21,18, 4-8 және Бауыртал орманшылығының 119-122 орамдарын қамтыған.
Сүгір ауылында жедел штаб құрылған.
"Өрт болған жерге екі МИ-8 ұшағы келді, біреуі Астанадан, екіншісі Семейден. Қазірдің өзінде Павлодар облысының Төтенше жағдайлар департаменті өрт орнында жұмыс істеп жатыр", — деп хабарлады ведомстводан.
Өрт болған жерге Қарағанды, Шығыс Қазақстан облыстары мен Астанадан топтастырылған колонналар жөнелтілді.
«Жағдай қиын. Өрттің алдыңғы жағы алты шақырымнан асады. Өрттің болжамды аумағы 700-800 гектар шамасында», — деп атап өтті орман қорының баспасөз қызметі.
Кеше сағат 23.00-дегі жағдай бойынша 200-ге жуық адам, 24 өрт сөндіру көлігі, соқасы бар 10 трактор, су жинағышы бар бір трактор, цистерналары бар екі Т-150, төрт шағын орман патрульдік көлігі, адам тасымалдауға арналған автобус, бір УАЗ өрт сөндіруше жұмылдырылған.
"Өрт алғашында Ресей Федерациясына қарай жылжыды, енді орман дақылдарына арналған Бауыртал орман шаруашылығына қарай бағытын өзгертті", — деп хабарлады Ертіс Орманы.
Төтенше жағдай орнында Павлодар облысының әкімі Асайн Байханов пен Төтенше жағдайлар министрі Сырым Шәріпханов жүр.
