Иран Израильге ядролық қару орналасқан аймаққа шабуыл жасады

 Бұл әрекет Натанзедегі ирандық ядролық нысанға жасалған шабуылға жауап ретінде жүзеге асқан.

Иранның Ислам революциясы сақшылары корпусы (ИРСК) Израильдің оңтүстігіндегі Арад қаласын атқылады. Тікелей соққы салдарынан тұрғын үйлер қирап, кемінде 6 адам қаза тапты, 100-ден астамы жараланды, жоғалғандар бар.

Израиль армиясы (ЦАХАЛ) баллистикалық зымыранның құлағанын және оны жоюға арналған әрекеттердің сәтсіз болғанын растады. Мәліметке сәйкес, қолданылған зымыран шамамен жарты тонна жарылғыш зат тасымалдаған.

Арад қаласында ескі төрт қабатты үйлерден тұратын тұтас бір аудан қираған. Қазіргі уақытта үйінді астында қалған адамдарды іздестіру-құтқару жұмыстары жалғасып жатыр. Қаза тапқандар саны әлі де артуы мүмкін.

Сондай-ақ Иран бұған дейін Израильдің оңтүстігіндегі Димона аймағына да соққы жасаған. Онда да көптеген ғимараттар қираған.

Израильдік дереккөздер зымыран сынықтары кемінде 12 жерге түскенін, кейбірі нысанаға дәл тигенін хабарлады. Сонымен қатар қоғамдық баспаналар мен басқа да инфрақұрылым нысандары зақымданған.