Жазылу
15:00, 30 Қыркүйек 2023
Қамшыбек Қоңқабаев Азия ойындарының 1/2 финалына өтті
Қазақстандық ауыр салмақтағы боксшы Қамшыбек Қоңқабаев жартылай финалға жолдама алды.
92 келіден жоғары салмақ дәрежесінде ширек финалда Бахрейн атынан сынға түскен Денис Латыповпен кездесті. Отандасымыз үшінші раунда нокдаун алып қалса да 5:0 есебімен сенімді жеңіске жетті.
Жеңістің арқасында ол жартылай финалға өтіп, жарыста кемінде қола жүлде алады.
Естеріңізге сала кетейік, бокстан Қазақстан құрамасының сапындағы алғашқы жүлдегер Сағындық Тоғамбай болатын, ол 92 келі салмақ дәрежесінде жартылай финалға шықты, ол да кемінде қола алады.
