Картоп импорты 90 есеге артты

Қаңтар айында елге әкелінген көкөністер мен жемістер көлемі күрт артқан:

• Картоп импорты — 90 есеге өсіп, 5,5 мың тоннаға жеткен;

• Пияз — 8 есе өсіп, 403,8 тонна;

• Бақша өнімдері (қарбыз, қауын) — 11 есе көбейіп, 370,5 тонна болған.

Сонымен қатар сәбіз, саңырауқұлақ, қызанақ және баклажан импорты да жиілеген.

Жеміс-жидек ішінде ең көп әкелінгені — жүзім: оның импорты 3 есеге жуық өсіп, 12,7 мың тоннаға жеткен. Алма импорты да 22,4 пайызға артып, 7,2 мың тонна болды. Алайда қырыққабат, бұрыш пен қызылша бойынша импорт төмендегені байқалады.

Бағалар бойынша: 2025 жылдың наурыз айында көкөніс пен жеміс бағасы орташа есеппен бір айда 3,1 пайызға, ал бір жыл ішінде 11,9 пайызға өскен. Ең жоғары баға өсімі — Алматы облысында, ең төмені — Ақтөбе облысында тіркелген.

Ел бойынша орташа бағалар мынадай:

• картоп — 233 теңге/кг,

• қырыққабат — 190 теңге,

• пияз — 131 теңге,

• қызылша — 315 теңге,

• сәбіз — 162 теңге.

Жемістердің бағасы тіпті жоғары:

• алма — 696 теңге,

• банан мен апельсин — 1200 теңге,

• лимон — 1300 теңге,

• қураған өрік (құрма) — шамамен 4000 теңге/кг.

Сонымен қатар, жылдық инфляция Қазақстанда 10 пайызға жеткен. Астана мен Ақмола облысында бұл көрсеткіш 13 пайыздан асып кеткен. Ең қатты қымбаттаған — азық-түлік өнімдері.