Каспий теңізінің жағасынан итбалықтардың өлекселері табылды

ҚР Экология министрлігінің баспасөз қызметінің мәліметінше, Маңғыстау облысындағы Каспий теңізінің жағалауынан 25 итбалық пен бекіре тұқымдас балықтардың 33 түрінің өлекселері табылды.

"15 қазан күні сағат 10.40-та Жайық-Каспий өңіраралық бассейндік балық шаруашылығы инспекциясының Маңғыстау облысы бойынша балық инспекциясы басқармасының қызметкерлері Түпқараған ауданында Каспий теңізінің жағалауында мониторинг жүргізу барысында Баутино ауылының маңында 25 итбалық пен бекіре тұқымдас балықтардың 33 түрінің өлексесін тапты", – деп жазылған хабарламада.