“Қайрат” стадионды жалға алуға 131 миллион теңге төлеуге міндеттелді

Сот дерегінше, 2021–2023 жылдары Орталық стадион жалдау ақысы төмендетілген тарифпен беріліп, мемлекетке шығын келген. Ал “Қайрат” өкілдері бұл талаппен келіспейтінін жеткізді. Олардың сөзінше, келісімшартта жылдық жалдау ақысы 30 миллион теңге деп көрсетілген. Бұдан бөлек, 2021 жылғы келісімшарт бойынша талап қою мерзімі өтіп кеткен, ал аудиттің қорытындылары клуб үшін міндетті емес.

Сот есебіне сәйкес, стадионды жалға алудың жалпы құны 322,5 миллион теңге болуы тиіс еді, алайда клуб бар-жоғы 125,1 миллион теңге төлеген. Нәтижесінде мемлекетке келген залал 131 миллион теңге деп бағаланып, сот талапты қанағаттандырды.

Осылайша “Қайрат” 131 008 000 теңге және сот шығындары үшін қосымша 3 930 240 теңге төлеуге міндеттелді.