Жазылу
«Қайраттың» Чемпиондар лигасындағы қарсыластары белгілі болды
Алматылық «Қайрат» 2025/26 жылғы Чемпиондар лигасының жалпы кезеңінде алғаш рет өнер көрсетпек. Жаңа форматқа сәйкес, клуб сегіз матч өткізеді: төртеуін Алматыдағы Орталық стадионда, төртеуін сырт алаңда.
Жеребе қорытындысы бойынша, бірінші себеттен «Қайратқа» әлем футболының алыбтары түсті: мадридтік «Реал Мадрид» (матч Алматыда) және миландық «Интер» (матч сырт алаңда).
Екінші себеттен қарсыластар — ағылшынның «Арсеналы» (Лондонда) және бельгиялық «Брюгге» (Алматыда).
Үшінші себетте қазақстандық клуб Лиссабонда португалиялық «Спортингпен» және Алматыда гректің «Олимпиакосымен» кездеседі.
2025/26 жылғы Чемпиондар лигасының күнтізбесі:
Жалпы кезең:
1-тур — 16–18 қыркүйек 2025 жыл
2-тур — 30 қыркүйек – 1 қазан 2025 жыл
3-тур — 21–22 қазан 2025 жыл
4-тур — 4–5 қараша 2025 жыл
5-тур — 25–26 қараша 2025 жыл
6-тур — 9–10 желтоқсан 2025 жыл
7-тур — 20–21 қаңтар 2026 жыл
8-тур — 28 қаңтар 2026 жыл
Плей-офф кезеңі:
Өтпелі матчтар — 17/18 және 24/25 ақпан 2026 жыл
1/8 финал — 10/11 және 17/18 наурыз 2026 жыл
Ширек финал — 7/8 және 14/15 сәуір 2026 жыл
Жартылай финал — 28/29 сәуір және 5/6 мамыр 2026 жыл
Финал — 30 мамыр 2026 жыл, Будапешт
Бұл маусымда жалпы кезеңде дебют жасайтын клубтар қатарында «Қайратпен» бірге кипрлік «Пафос», норвегиялық «Будё-Глимт» және бельгиялық «Юнион СЖ» бар.
