«Қазақмыс» кенішінде конвейер опырылып алты кенші жараланды

Оқиға 24 қазанда күні Ұлытау облысындағы «Қазақмыс» корпорациясының Жыланды кенішінде болды.

""Жыланды" кенішінің конвейерлік учаскесінің бастығы апаттық жөндеуге 6 қызметкерден тұратын бригадаға жазбаша нұсқау берген еді. Конвейердің роликтерін тексеру кезінде жұмысшылар "Стакермен" бірге кен үйіндісіне құлады", - делінген компания хабарламасында.

Қазір жұмысшылар Жезқазған медициналық орталығына жатқызылды. Дәрігерлердің айтуынша, жағдайлары қалыпты.

"Бүгінгі таңда 2 қызметкер травматология бөлімінде жатыр. Қызметкерлердің жағдайы қанағаттанарлық, ауыр. Төрт қызметкер тұрғылықты жері бойынша амбулаторлық емделуге жіберіледі", - деп хабарлады компания.