Қазақстанда "Масс-медиа туралы" заң қайтадан өзгертіледі

"Масс-медиа саласындағы заңнаманы жетілдіру жалғасуда. Құқықтық базада сөз бостандығы, цензураға жол бермеу және азаматтардың ақпарат алу және тарату құқығы қағидаларын толық әрі нақты көрсету жоспарланып отыр. Сонымен қатар азаматтардың ар-намысы, қадір-қасиеті және іскерлік беделін қорғау тетіктері күшейтіледі. Бұл пікір білдіру еркіндігі мен адам құқықтарын қорғау арасындағы теңгерімді қамтамасыз етуге мүмкіндік береді", - деді Балаева үкімет отырысында.

Заңнамалық өзгерістер кең ауқымды болады

Министрдің айтуынша, мәдениет және ақпарат министрлігіне қарасты барлық салалар бойынша заңнама жаңартылады.

Жоспар бойынша:

• 20-дан астам заңнамалық актіге өзгерістер енгізіледі

Олар:

• мәдениет
• ақпарат
• масс-медиа
• архив ісі
• мемлекеттік рәміздерді пайдалану
• мемлекет пен азаматтық қоғамның өзара іс-қимылы
• діни қызмет
• жастар және отбасы саясаты

сияқты бағыттарды қамтиды.

Өзгерістердің себебі

Аталған түзетулер жаңа Конституцияға сәйкестендіру мақсатында енгізіліп отыр.